Балаларды жарақаттанудан сақтаңыз!

Балажарақаты денсаулық сақтау саласында балалардың жалпы аурушаңдығы мен өлім-жітім көрсеткішінде едәуір үлес салмағы бар өзекті мәселелердің бірі болып саналады.

Жазғы уақыттағы бала жарақатының алдын алу ерекше өзекті мәселе.

Егер отбасында балалар болса, оларды бір мезетке да жалғыз қалдырмаңыз!

Қауіпсіздіктің маңызды талаптарын сақтаңыз!

Бөлмедегі заттардың орындарын жобалағанда, терезе алдында ешқандай жиһаздың тұрмауын қарастырыңыз.

Бала қалайда терезе алдына шығып алған жағдайда, оны ашуға кедергі болатын әрбір терезеге арнайы қорғағыш тойтарма шеге орнатыңыз.

Балконға баратын есікті және баспалдаққа барар жолды жабыңыз – сәби өзіне зақым келтірмей,  баспалдақ сияқты кедергіден өтуге шамасы келмейді.