«Денсаулық сақтау саласындағы есепке алу құжаттамасының нысандарын бекіту туралы» Қазақстан Республикасы Денсаулық сақтау министрінің м. а. 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) бекітілген № 073/е нысаны бойынша берілген көлікті басқаруға жіберу туралы медициналық анықтама не дәлелді жауап осы стандарттың 9-тармағында көрсетілген негіздер бойынша мемлекеттік қызмет көрсетуден бас тарту туралы. Осы анықтаманы алу үшін келесі мамандардың қорытындысынан өту қажет:
• Дәрігер-терапевт;
• Дәрігер -офтальмолог;
• Дәрігер -оториноларинголог;
• Дәрігер -профпатолог;
• Дәрігер -психиатр (диспансер);
• Дәрігер –накролог (диспансер).
Мемлекеттік қызмет көрсету нысаны:
Электрондық (ішінара автоматтандырылған) / қағаз. Мемлекеттік қызметті көрсету кезінде көрсетілетін қызметті алушыдан алынатын төлем мөлшері және Қазақстан Республикасының заңнамасында көзделген жағдайларда оны алу тәсілдері: ақылы негізде мемлекеттік қызметті көрсету құны Кодекстің 202-бабына сәйкес айқындалады. Қазақстан Республикасының заңнамасында белгіленген мемлекеттік қызмет көрсетуден бас тарту үшін негіздер:
1) мемлекеттік қызметті алу үшін көрсетілетін қызметті алушы ұсынған құжаттардың және (немесе) олардағы деректердің (мәліметтердің) дәйексіздігін анықтау;
2) көрсетілетін қызметті алушының осы мемлекеттік көрсетілетін қызмет стандартының 8-тармағында көзделген тізбеге сәйкес құжаттардың толық емес топтамасын және (немесе) қолданылу мерзімі өткен құжаттарды ұсынуы;
3) қағидаларға сәйкес медициналық қарап-тексерудің теріс нәтижесі.